منتديات همسة بحر
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
الرئيسيةاليوميةالبوابةمكتبة الصورس .و .جدخولالتسجيل

شاطر | 
 

 عاجل ((يوميات ابليس بيه وابو جهل))

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
MidoSiam
عضو شرف
عضو شرف


ذكر
عدد الرسائل : 3056
تاريخ التسجيل : 17/11/2008
العمر : 33
العمل : Accountant
رقم العضويه : 19
مزاجي :
اعلام الدول :
احترام قوانين المنتدي :

مُساهمةموضوع: عاجل ((يوميات ابليس بيه وابو جهل))   الثلاثاء يوليو 07, 2009 7:49 pm

تذكير بمساهمة فاتح الموضوع :



((يوميات ابليس بيه وابو جهل))

منقــــــــــــــــــــــــــــــــــــــول



حبيت اقدملكم مسلسل ابدى لا ينتهى ولكن الحلقات المكتوبة حتنتهى لكن الحقيقة لا تنتهى الا بقيام الساعة امنتى اقرا ارائكم


الحلقه الاولى



صباح الفل يا إبليس بيه
- صباح الخير يا بني .. اطلع بينا على سنة 622
- ياااااااااه .. سعادتك إيه اللي هيوديك هناك .. دي الدنيا كات صعبة أوي أيامها
- وحشوني والله يا عكروت .. أعمل ايه بقى .. نفسي أشوف أبوجهل
- ما تشوفش وحش يابيه .. وصلنا خلاص
ينزل إبليس من الة .. ويخبط الجرس على بيت أبو جهل .. تفتح له الشغالة
- الأستاذ أبو جهل موجود
- أيوه موجود .. مين حضرتك ؟
- قولي له إبليس
- دقيقة واحدة
يخرج أبو جهل
- أهلاااااااااااااان .. إزيك يابو مرّة .. واحشني يا راجل .. إيه الغيبة الطويلة دي .. اتفضل اتفضل
- والله هفيت على بالي اليومين اللي فاتوا .. والعالم بتوع القرن الواحد وعشرين خنقوني .. قلت آجي أشرب معاك كاسين .. حجرين .. الموجود بقى .. أي حاجة
- على حسابي وللا على حسابك ؟
- أيوووه عليك .. انت لسه . زي مانت .. يا راجل ده انا بقالي 200 سنة ما شفتكش .. ده اللي انا علمتهولك ؟
- آه .. ههههههههه .. طب اقعد بس اقعد .. ده الحالة بقت كرب أوي .. [img:4586]http://forums.way2allah.com/images/smilies/36_1_50[1].gif[/img:4586] ونفسي أفضفض لك شوية
- خير يا بوجهل
- لا والله مافيش .. فاكر انت آخر مرة كنت معانا لما اتفقنا نطلع من رجل قبيلة .. ونقتل محمد
- آه .. كانت فكرة مالهاش حل
- بس الخطة فشلت .. وقدر يهاجر يثرب ومن بعدها ما شفناش يوم حلو .. والعملية نشفت أوي وبدأوا يقفلوا علينا طرق التجارة .. العيشة بقت صعبة أوي يا إبليس يا خويا
- بس بس قطعت قلبي . [img:4586]http://forums.way2allah.com/images/smilies/36_1_4[1].gif[/img:4586] طيب أنا جاي لك في مشوار حلو .. هيفتح نفسك
- مشوار ايه يا معلم .. قوللي [img:4586]http://forums.way2allah.com/images/smilies/36_1_36[1].gif[/img:4586]
- شوف يا سيدي .. أنا جاي لك دلوقت من القرن الواحد وعشرين .. فيه شغلانة جامدة أوي في مصر ظبطتها تظبيطة ما حصلتش .. وأنا حاسس بيك قلت آخي آخدك تتفرج .. أرفع روحك المعدنية شوية [img:4586]http://forums.way2allah.com/images/smilies/36_1_36[1].gif[/img:4586]
- بس ما يكونش التظبيط الخايب بتاعك زي شغلانة من كل رجل قبيلة دي
- كده برضه .. الله يسامحك .. بس اطمن المرة دي .. هتيجي جون يعني هتيجي جون
- والمشوار ده هنروحه ازاي [img:4586]http://forums.way2allah.com/images/smilies/36_19_2[1].gif[/img:4586]
- اركب بس اركب .. ما تخافش مش هأخرك
ركب أبو جهل الة مع إبليس .. ووصلوا القاهرة .. أبو جهل تنّح
- إيه ده يا إبليس يا خويا .. احنا لسه في الدنيا ؟؟ [img:4586]http://forums.way2allah.com/images/smilies/36_19_2[1].gif[/img:4586]
- هههههه .. جمد قلبك ياراجل .. احنا بعد 1400 سنة من أيامكم
- وايه الناس دي .. عاملين في نفسهم كده ليه
- إيه مش عاجبينك ؟
- يعني .. الستات لابسين عريان قوي .. والرجالة شكلهم شبه الستات .. وبص الواد ده ماشي مع البنت ازاي .. بيحضنها في الشارع كده .. اخص عالرجالة [img:4586]http://forums.way2allah.com/images/smilies/36_19_2[1].gif[/img:4586]
- ههههههه .. ياراجل ماتقولش كده .. دول على فكرة مسلمين
- إيه ؟؟ .. هو دين محمد وصل لغاية هنا
- آه طبعا .. من زمان أوي .. بص الجوامع أد إيه .. واللي انت سامعه ده اسمه الأذان .. بينادوا عالناس وقت الصلاة عشان يصلوا
- الله ؟؟ .. أمال مالهم قاعدين كده ما بيتحركوش .. وعشرة عشرين واحد بس اللي داخلين الجامع
- آه .. أصل النهارده فيه ماتش .. واللي قاعدين دول بيتفرجوا عالماتش في القهوة
- ماتش ؟؟ .. إيه ده ؟؟
- دي فكرة حلوة من أفكار أخوك .. الناس بتحب الرياضة .. فيها حاجة دي ؟
- لأ مافيهاش
- أنا قعدت بقى أكبرها وانفخ فيها لحد مالناس بقت تحبها أكتر من الصلاة
- يابن الإيييييييه ؟؟ .. ده انت هتروح جهنم
- فال الله ولا فالك .. فقري طول عمرك
- بس ايه اللي مكتوب عالحيطان ده ؟؟ .. الإسلام هو الحل ؟؟ حل إيه ؟؟
- ما هو ده اللي انا جايبك عشانه
- طب نورني .. ايه الموضوع

في الحلقة القادمة ان شاء الله حنشوف ايه الموضوع

الرجوع الى أعلى الصفحة اذهب الى الأسفل

كاتب الموضوعرسالة
MidoSiam
عضو شرف
عضو شرف


ذكر
عدد الرسائل : 3056
تاريخ التسجيل : 17/11/2008
العمر : 33
العمل : Accountant
رقم العضويه : 19
مزاجي :
اعلام الدول :
احترام قوانين المنتدي :

مُساهمةموضوع: رد: عاجل ((يوميات ابليس بيه وابو جهل))   الأربعاء أغسطس 19, 2009 2:38 am

الحلقة التاسعة




إبليس – طيب أنا بقى هانسيك كل القرف اللي شفته اليومين دول .. وهاعيشك في جو ميه ميه .. هتنسى نفسك
أبوجهل – آه .. تعال نروح زأططة .. انت مش قلت لي هاخليك تلعب ؟؟
إبليس – لا ياراجل .. زأططة إيه وبتاع ايه .. احنا هنروح نسهر النهارده سهرة حكاية .. البلد كلها بتسهر اليوم ده .. بمناسبة الكريسماس
إبو جهل – الكريسماس .. بس ده مش عيد المسلمين
إبليس – وماله .. بس أنا علمتهم يحتفلوا بيه كل سنة .. لغاية ما بقت عادة عندهم .. ويشربوا ويرقصوا .. وووووو يهيسوا [img:35ea]http://forums.way2allah.com/images/smilies/36_1_51[1].gif[/img:35ea]

أبو جهل – لا لا ياراجل .. معقول ؟
إبليس – طب انت هتشوف بنفسك .. أدي احنا وصلنا أهو
يدخلوا قاعة الاحتفال .. فندق عشر نجوم .. كل نجم انقح من اللي جنبه .. نجوم ايه بقى .. ولا نجوم هوليود .. أبو جهل يفرك عينيه بشدة .. أنا في حلم وللا في علم .. رقص وهيصة وسكر ومسخرة .. مش ممكن .. مش ممكن .. أبو جهل شرب وهيّص ورقص .. وفجأة .. النور انطفى .. وبدأ يسمع همهمات غريبة حواليه
أبو جهل – إيه ده يا إبليس .. كبسة دي وللا إيه ؟
أبليس – لا .. دي بقى أحلى لحظة في الليلة كلها .. النور بينطفي وكل واحد هو ونصيبه
أبو جهل – يعني إيه هو ونصيبه
إبليس – دلوقت تشوف
فجأة أبو جهل لقى إيدين رقيقة تتلف حوالين رقبته .. وواحدة بتكلمه بهمسات حالمة .. دارت رأسه .. وكان هيقع على الأرض لولا إنه وقع بين إيديها .. استرخى وهو بيحلم أحلام سعيدة جدا .. ياترى دي كانت الشقرا اللي جنبه .. وللا اللي لابسة فستان ازرق ؟؟
وفجأة .. رجع النور .. ابتسم ابتسامة رقيقة .. وفتح عينيه عشان يشوف هو بين إيدين مين .. يا سلاااااااااااااام .. مين ؟؟ .. حفيظااااااااااااااا .. لااااااااااااء .. الحقونيييييييييي [img:35ea]http://forums.way2allah.com/images/smilies/36_1_4[1].gif[/img:35ea] [img:35ea]http://forums.way2allah.com/images/smilies/36_1_4[1].gif[/img:35ea] هي حفيظة بتاعة مستشفى الحرامية .. الله يخرب بيتك يا إبليس ال
جري من بين إيديها فزعا .. وخد إبليس وطلعوا جري
الجرسون مستنيهم على الباب – الحساب يا حضرات
إبليس – معلش يا بو جهل حاسب انت عشان صرفت الكاش اللي معايا في المستشفى
إبو جهل – أوي أوي
يمد إيده في جيبه .. المحفظة .. المحفظة .. المحفظاااااا .. اتسرقت يا إبليس .. اتنشلت .. كده برضه يا حفيظة .. وآدي آخرة اللي يمشى ورا الشيطان [img:35ea]http://forums.way2allah.com/images/smilies/36_11_6[1].gif[/img:35ea]


يتبع ان شاء الله
الرجوع الى أعلى الصفحة اذهب الى الأسفل
مريم
عضو شرف
عضو شرف
avatar

انثى
عدد الرسائل : 7104
تاريخ التسجيل : 14/12/2008
العمر : 33
العمل : محاسبة
رقم العضويه : 42
مزاجي :
اعلام الدول :
كيف تعرفت علينا : صديق
احترام قوانين المنتدي :

مُساهمةموضوع: رد: عاجل ((يوميات ابليس بيه وابو جهل))   الأربعاء أغسطس 19, 2009 3:32 am

هههههههههه

حفيظة عملتها فيك يا ابو جهل

شكرا يا ميدو

فعلا حلقات مشوقة اوي

في انتظار الحلقة القادمة


::z::
الرجوع الى أعلى الصفحة اذهب الى الأسفل
نورا
مشرفه
مشرفه
avatar

انثى
عدد الرسائل : 279
تاريخ التسجيل : 04/07/2009
العمر : 27
العمل : طالبة
رقم العضويه : 189
مزاجي :
اعلام الدول :
كيف تعرفت علينا : جوجل
احترام قوانين المنتدي :

مُساهمةموضوع: رد: عاجل ((يوميات ابليس بيه وابو جهل))   الأربعاء أغسطس 19, 2009 2:27 pm

شكرا ميدوا على موضوعك الجميل



فى انتزار المذيد






::z:: ::z::
الرجوع الى أعلى الصفحة اذهب الى الأسفل
MidoSiam
عضو شرف
عضو شرف


ذكر
عدد الرسائل : 3056
تاريخ التسجيل : 17/11/2008
العمر : 33
العمل : Accountant
رقم العضويه : 19
مزاجي :
اعلام الدول :
احترام قوانين المنتدي :

مُساهمةموضوع: رد: عاجل ((يوميات ابليس بيه وابو جهل))   الجمعة أغسطس 21, 2009 6:03 pm

الحلقة العاشرة




سبنا أبوجهل وإبليس فين يا شباب فيييييييين ؟؟ .. آه .. في موقف لا يحسدوا عليه أمام الجرسون وهو بيبص لهم شذرا عشان أبو جهل معاهوش فلوس .. وحكاية المحفظة دي يعني !!!! .. شكله شاف أشكال من دي كتير قبل كده .. المهم .. إبليس أنقذ الموقف بكارت الفيزا .. دفع المبلغ صاغرا .. وخرجوا من الفندق جرى .. وصلوا مكان الة .. مافيش ة .. آآآآآآآآآه .. بس المرة دي الونش .. مش الحرامية .. وبعدين في المطب ده .. لا معاهم فلوس ولا ة .. وأبو جهل من غير بطاقة .. في موقف لا يحسدوا عليه بصراحة
سألوا فين مكتب المرور ؟؟ في آخر الدنيا .. مشواااااااار .. برد .. ومطر .. حالتهم تصعب على الكافر .. هههههههه .. وشوية ولقوا القزايز بتتحدف عليهم من الشبابيك .. والصواريخ .. وفين يوجعك .. يادي ال
أبو جهل – إيه يا إبليس ده .. بيحدفوا علينا القزايز ليه ؟؟ وإيه النار دي ؟؟
إبليس – لا ماتاخدش في بالك .. دي عادة انا عودتهم عليها .. آخر يوم في السنة يرموا القزايز من الشبابيك عشان تاخد معها الذنوب بتاعة السنة .. ويبدأوا من جديد ذنوب جديدة وأعمال شريرة أكتر
أبو جهل – ومعقول فيه حد بيصدق التخلف ده ؟؟
إبليس – كتير يا بو الحكم يا حبيبي .. أديك شايف اهوه .. الشيطان شاطر
أبو جهل – معقول حالهم وصل للدرجة دي؟؟.. ده انت كده بصراحة
إبليس – المهم بقى هنعمل ايه في الورطة اللي احنا فيها دي ؟؟ .. لازم نشاور لة توصلنا لغاية المرور .. معاناش فكة نركب تاكسي
يشاوروا لعدة ات .. اللي يطنشهم ويجري ..
واللي يعمل نفسه هيقف ويهوشهم وبرضه يجري ..
واللي يقرب منهم ويطرطش عليهم مية المطر .. ويجري
لحد ما نفسهم انقطع وغرقوا ميه
شوية وة قربت منهم .. بعدوا عنها احسن تطرطش عليهم .. وقفت الة والشاب اللي سايق الة شاور لهم يركبوا .. نطوا جوه الة مش مصدقين نفسهم .. لقوا مفاجأة صعبة أوي أوي
الشاب مشغل قرآن في الة .. إيه الحظ ده يا ناس .. إبليس بقى عمال الأرض تنخسف بيه ويتوجع ويتلوى من القرآن ..وأبو جهل ما بين انه متضايق جدا .. وبين انه قاعد يسمع وبيتلذذ جدا بجمال القرآن ..
الشاب – معلش يا جماعة .. الجو صعب شوية اليومين دول .. تحت أمركم .. تحبوا أوصلكم فين ؟؟
أبو جهل – لامؤاخذة يا بني .. الة الونش سحبها .. وعايزين نروح المرور نجيبها
الشاب – نروح حالا ان شاء الله .. أنا قلت برضه مش معقول حد يخرج يتمشى في يوم زي ده
أبوجهل – طبعا أكيد كله مهيص النهارده وبيحتفل بالكريسماس .. إنت أكيد جاي من حفلة
الشاب – أعوذ بالله .. لا ياحاج أنا زيكم كده ان شاء الله .. ماليش في الحاجات دي .. اللي يحب القرآن ما يروحش الأماكن دي
أبو جهل – يعني معقول مش بتحتفل راس السنة ؟
الشاب – باحتفل بيه بطريقتي .. هههههه .. مش احتفال طبعا .. بس اليوم ده مش هاعديه كده ان شاء الله
أبو جهل – مش فاهم .. يعني بتحتفل وللا مش بتحتفل ؟؟
الشاب – أقول لحضرتك .. أنا وجماعة اصحابي كده قعدنا نحسبها كده .. لقينا النهارده هيبقى أول ليلة من ليالي العشر الأوائل في شهر ذي الحجة .. ودي أيام فضل العمل الصالح فيها كبير جدا .. فقلنا في الوقت اللي الناس فيه غرقانة في المعاصي احنا نعمل عمل صالح ونتجمع على الصلاة وتلاوة القرآن .. و إمام المسجد اللي جنبنا عمل لنا درس .. وانا كنت معاهم بس نزلت اشتري لهم عشا
أبو جهل – معقول ؟؟ .. فيه حد بيعمل كده دلوقت ؟؟
الشاب – هي يمكن غريبة شوية .. بس اصحابي كتير بيعملوا كده دلوقت .. يعني هو اللي معقول ان الناس ترقص وتسكر لغاية الفجر ؟؟ .. أقول لحضرتك .. إيه رأيكم تيجوا معايا .. شكلكم برضه ما لكمش في السهرات والكلام الفارغ ده .. والله تبقى فرصة كويسة
أبو جهل يتلفت بحثا عن إبليس .. يلاقيه في قمة الرعب من الكلام اللي بيسمعه ووشه عمال يجيب ألوان .. ومش قادر ينطق [img:4ef8]http://forums.way2allah.com/images/smilies/36_1_31[1].gif[/img:4ef8]

أبو جهل – لا يابني .. شكرا شكرا .. احنا يا دوب نوصل المرور عشان نلحق نجيب الة .. وقتنا ضيق واتأخرنا جدا
الشاب – بس ما يصحش والله أسيبكم في الجو ده .. صدقني يا حاج عادي جدا .. ياريت تشرفونا
أبو جهل – لا يا بني .. شكرا شكرا .. كفاية تعبناك معانا
الشاب – طيب على أي حال احنا وصلنا المرور اهه .. طيب اسمحوا لي بس .. من غير ما تكسفوني .. مادام مش هتيجوا معانا لازم تتعشوا بقى .. كفاية المطرة والبرد اللي في الشارع .. اتفضلوا ( يعزم عليهم بالساندوتشات)

[img:4ef8]http://forums.way2allah.com/images/smilies/36_1_51[1].gif[/img:4ef8]

أبو جهل – لا لا .. أنا متعشي .. شكرا .. مش عايز
الشاب – لا لا يمكن .. هازعل جدا والله .. اتفضلوا .. دي مش عزومة
أبو جهل وإبليس ياخدوا الساندوتشات تحت ضغط إلحاحه .. ويسلم عليهم ويمشي
أبو جهل يبص لإبليس .. تقريبا هيعيط من اللي سمعه .. إبليس متغاظ جدا ومش قادر يبص في وش أبو جهل
أبو جهل – إيه الكلام اللي انا سمعته ده يا إبليس .. معقول فيه شباب غير اللي شفناهم في السهرة
إبليس (بحسرة) – أيوه .. فيه [img:4ef8]http://forums.way2allah.com/images/smilies/36_1_38[1].gif[/img:4ef8]

أبو جهل – كتير ؟؟
إبليس – للأسف بدأوا يكتروا اليومين دول .. ومش قادر اعمل لهم حاجة .. أهو شفت الواد ده .. كان مشغل القرآن في الة .. أجي له منين ده ؟؟
أبو جهل – وبعدين دول مش زي العالم التعبانة اللي بتوديني عندهم دول .. شوف عزم علينا ازاي بالساندوتشات وهو ما يعرفناش .. العالم بتوعك دول كل ما نروح عندهم يقلّبونا
إبليس – طب خلينا نخلص شغلانة المرور دي ونروح بقى
يدخلوا المرور .. يستلموا الة .. ويروحوا الفندق .. الاحتفالات لسه شغالة .. داخلين بالة .. احتياطات أمن جامدة بره الفندق .. الأمن يوقفهم عند حاجز خارج باب الفندق .. يظهر فيه شخصيات مهمة في الحفلة
يتبع ان شاء الله



الرجوع الى أعلى الصفحة اذهب الى الأسفل
مريم
عضو شرف
عضو شرف
avatar

انثى
عدد الرسائل : 7104
تاريخ التسجيل : 14/12/2008
العمر : 33
العمل : محاسبة
رقم العضويه : 42
مزاجي :
اعلام الدول :
كيف تعرفت علينا : صديق
احترام قوانين المنتدي :

مُساهمةموضوع: رد: عاجل ((يوميات ابليس بيه وابو جهل))   السبت أغسطس 22, 2009 1:51 am

شكرا ميدو

يوميات لذيذة اوي

سلمت الايادي

بارك الله فيك

::z::
الرجوع الى أعلى الصفحة اذهب الى الأسفل
MidoSiam
عضو شرف
عضو شرف


ذكر
عدد الرسائل : 3056
تاريخ التسجيل : 17/11/2008
العمر : 33
العمل : Accountant
رقم العضويه : 19
مزاجي :
اعلام الدول :
احترام قوانين المنتدي :

مُساهمةموضوع: رد: عاجل ((يوميات ابليس بيه وابو جهل))   الأحد أغسطس 23, 2009 6:04 pm

الحلقة11



رجل الأمن يوجه كلامه لإبليس – لامؤاخذة ياباشا .. الرخصة بس
إبليس – أنا نزيل هنا يابني .. رخصة إيه اللي انت عايزها
رجل الأمن – معلش سعادتك دي تعليمات .. وياريت بطاقة الأستاذ اللي مع حضرتك
إبليس – الرخصة اهي .. بس بصراحة الاستاذ عمرو محفظته ضاعت
رجل الأمن يلاحظ لحية أبو جهل الكبيرة – يعني الأستاذ معاهوش تحقيق شخصية
إبليس – لأ معاهوش .. بس ده تبعي
رجل الأمن ينادي واحد تاني .. يوشوشه ( معاهوش بطاقة .. أكيد إرهابي .. بص دقنه أد إيه )
التاني – التعليمات واضحة .. نتحفظ عليه لغاية ما الحفلة تنتهي
رجل الأمن لإبليس – حضرتك تتفضل .. والأستاذ يرتاح هنا شوية لحد ما الحفلة تخلص
إبليس – يعني إيه ؟؟ .. ده ضيفي .. أنا مش هاتحرك من غيره ؟؟
يتجمع رجال الأمن وفي لحظة يكون أبو جهل معاهم في حراسة مشددة .. وة إبليس بتتزق داخل الفندق
الحراسة المشددة توصل أبو جهل لقيادة المجموعة .. أول ما يشوفوه يسألوه عن بطاقته
أبو جهل – بطاقة إيه ؟؟
القائد – بطاقة ايه ؟؟ .. انت بتستهبل ؟؟ .. معاكش بطاقة ؟؟
أبو جهل – ما عرفش ايه البطاقة دي
القائد – ما ينفعش نخلي حد خطر كده قريب من الفندق .. خدوه على القسم .. والصبح نبقى نشوف حكايته إيه
أبو جهل يمشي زي المسحور .. مش عارف إيه اللي بيحصل له .. وفجأة لقى نفسه في وسط مكان ضيق .. قذر .. مظلم .. اترمى فيه .. والباب اتقفل
بدأت عينيه تتعود على الظلام .. شوية كده وسمع ضحكات تتردد حواليه
صوت – ده شيخ تاني اهوه .. يظهر ما بقاش وراهم غير المشايخ اليومين دول
صوت – اصحى يا شيخ عمرو .. اصحى جالك شيخ تاني يونسك بدل مانت لوحدك هنا بقالك شهر
صوت – ايه يا حنكورة بس .. بتصحيني من النوم ليه دلوقت ؟
صوت – معانا ضيف جديد اهه .. شيخ من اصحابك
المهندس عمرو يفرك عينيه .. ويبص لابو جهل .. يسلم عليه ويوسع له مكان جنبه
المهندس عمرو- أهلا يا حاج .. لا مؤاخذة المكان هنا ضيق شوية .. بس هتتعود عليه ان شاء الله .. ربنا يسهل وما تطولش كتير
أبو جهل – ايه يابني المكان ده ؟؟
عمرو- معقول يا حاج مش عارف ايه ده .. ده مكان تحت الأرض كده بيحطوا فيه الناس الغير مرغوب فيهم .. لحد ما يبان لهم صاحب
أبو جهل – تحت الأرض يعني إيه ؟؟ .. قبر ؟؟
عمرو – بيتهيألي القبر ممكن يكون أرحم شوية .. بنكون عند ربنا وربنا رحيم بعباده .. بس اللي بره دول .. ما اظنش عندهم رحمة .. انما حضرتك مين واسمك ايه ؟؟
أبو جهل – لا .. دي قصة طويلة .. انا اسمي عمرو .. عمرو هشام
عمرو- معقول .. هههههه .. فرصة جميلة والله .. أنا برضه اسمي عمرو هشام
أبو جهل – وانت معقول بقالك شهر هنا ؟؟
عمرو – أيوه .. افترا بقى .. بس ربنا ما بينساش حد .. أنا اللي شفته من كرم ربنا خلاني انسى الوقت هنا
أبو جهل – كرم إيه يابني وانت في المكان الكئيب ده ؟؟ ده كرم ربنا ؟؟
عمرو – يا حاج .. خللي عندك إيمان بالله .. قدر ربنا كله خير .. أحكي لك وانت تحكم





يتبع ان شاء الله
الحلقة الاخيرة قريبا ان شاء الله انتظرونا
الرجوع الى أعلى الصفحة اذهب الى الأسفل
مريم
عضو شرف
عضو شرف
avatar

انثى
عدد الرسائل : 7104
تاريخ التسجيل : 14/12/2008
العمر : 33
العمل : محاسبة
رقم العضويه : 42
مزاجي :
اعلام الدول :
كيف تعرفت علينا : صديق
احترام قوانين المنتدي :

مُساهمةموضوع: رد: عاجل ((يوميات ابليس بيه وابو جهل))   الإثنين أغسطس 24, 2009 2:14 am

شكرا ميدو

في انتظار باقي اليوميات الجميلة

جزاك الله كل خير

::z::
الرجوع الى أعلى الصفحة اذهب الى الأسفل
MidoSiam
عضو شرف
عضو شرف


ذكر
عدد الرسائل : 3056
تاريخ التسجيل : 17/11/2008
العمر : 33
العمل : Accountant
رقم العضويه : 19
مزاجي :
اعلام الدول :
احترام قوانين المنتدي :

مُساهمةموضوع: رد: عاجل ((يوميات ابليس بيه وابو جهل))   السبت أغسطس 29, 2009 3:39 am

الحلقة الاخيرة




المهندس عمرو كان منظم الحملة الانتخابية لأحد المرشحين في بلدهم تحت شعار الإسلام هو الحل .. ولإن حملة الدعاية كانت نشيطة وقوية جدا .. فالمرشح المنافس مالقاش حل غير القبض على المهندس عمرو ومجموعة من أصحابه لشل حملة الدعاية الانتخابية للمرشح المنافس
وفي يوم رجع المهندس عمرو بيته متأخر بعد جولة انتخابية قوية .. وهو مرهق جدا .. ولكنه سعيد بتوفيق ربنا لهم وإقبال الناس عليهم وتأييدهم لهم
دخل المهندس عمرو بيته .. واستقبلته زوجته .. وابنه محمد .. عمره عشر سنوات .. مقعد ويتحرك على كرسي متحرك بسبب اصابته في حادث ة من تلات سنين




محمد – بابا .. بابا .. واحشني جدا
عمرو – أهلا محمد حبيبي .. معلش .. اتأخرت عليك كتير .. كلها كام يوم وارجع لك بدري واحكي لك الحدوتة قبل ماتنام زي ما تعودت .. ياااااه .. انت سخن أوي كده ليه ؟؟
زوجته – حرارته تسعة وتلاتين .. ومش عايزة تنزل .. وحاولت اعمل له كمادات .. بس مافيش فايدة .. كل شوية يسخن تاني .. ما كنتش فاكراك هتتأخر كده [img:6c1a]http://forums.way2allah.com/images/smilies/36_1_31[1].gif[/img:6c1a]

عمرو – معلش والله غصب عني .. طيب لبسيه هدومه .. نلحق نروح المستشفى .. مش كويس يستنى كده للصبح
زوجته – طب مش هتاكل لقمة ؟؟ .. أنت أكيد ما تعشيتش
عمرو – لما نرجع .. أنا خايف على محمد أوي .. خلينا نلحق نلاقي حد نوديهوله
تدخل زوجته ومحمد .. وفجأة يسمع طرقات شديدة جدا على الباب .. الباب هينكسر من الطرقات عليه
أصوات – افتح الباب .. هنكسر الباب [img]http://forums.way2allah.com/images/smilies/36_1_28[1].gif[/img
عمرو – انت مين ؟؟
الصوت – بنقول افتح .. مش عايز تفتح ؟؟ [img:6c1a]http://forums.way2allah.com/images/smilies/36_6_7[1].gif[/img:6c1a]

عمرو- طيب طيب .. هافتح اهه
فجأة الباب ينكسر تحت طرقات كعوب البنادق .. والبيت يتملي مخبرين .. وواحد بملابس مدنية يكلم عمرو بغلظة شديدة
الراجل – انت عمرو هشام ؟؟
عمرو – ايوه انا
الراجل – اتفضل معانا ( يشاور للي معاه .. فتشوا البيت)
عمرو- على فين ؟ .. وانت مين ؟؟
الراجل – ههههه [img:6c1a]http://forums.way2allah.com/images/smilies/36_11_6[1].gif[/img:6c1a]
.. معقول مش عارف ؟؟ .. اللعبة خلصت يا بني انت وهو .. انتوا صدقتوا نفسكوا وللا إيه ؟؟ .. فوق يا عمرو .. كفاية أوي عليكم اللي خدتوه .. ياللا معانا
محمد – بابا .. بابا .. مين دول ؟؟
عمرو – لا مافيش يا محمد .. ما تقلقش .. أنا هاروح معاهم شوية واجي لك ان شاء الله
يلتفت للراجل - وايه لازمة ده كله .. مانتم عارفين مكاني .. ولو طلبتوني بالتليفون هاجيلكم على طول .. لازم الرعب اللي بتعملوه للناس ده ؟
الراجل – بلاش فلسفة يا سي عمرو .. انت مش هتعلمنا شغلنا .. اتفضل ما تضيعش الوقت
محمد – ما تخافش منه يابابا .. ربنا أقوى منه

الراجل ( يصفعه بشده ) – اخرس يابن ال [img:6c1a]http://forums.way2allah.com/images/smilies/36_1_28[1].gif[/img:6c1a]
ينزلوا وعمرو معاهم

زوجته – وتضربه ليه ده .. هو يقدر يرد عليك ؟؟ .. ربنا ينتقم منك .. ربنا ينتقم منكم زي ما ضربتوا ابني
واحد منهم ( بينه وبينها) – يا ست الله يخليكي ما تدعيش عليا .. أنا ماليش دعوة .. ده أكل عيشي
عمرو ينادي عليهم – اطمني يا ام محمد .. ربنا معانا .. ومش هيضيعنا

يمشوا .. وتبقى أم محمد تبكي بشدة [img:6c1a]http://forums.way2allah.com/images/smilies/36_1_4[1].gif[/img:6c1a] وهي في ضائقة شديدة .. من غير فلوس .. وابنها عيان جدا .. وجوزها مش عارفة هيرجع امتى .. تقوم وتصلي ركعتين لله تعالى عشان يفرج عنها الكرب اللي هي فيه
تنتهي من صلاتها ..تنظر لابنها .. نام من شدة البكاء .. لسه حرارته مرتفعة .. وشه زي النار

[img:6c1a]http://forums.way2allah.com/images/smilies/36_1_31[1].gif[/img:6c1a]

يارب .. يارب .. ماليش غيرك يارب .. اعمل إيه بس ؟؟
تسمع طرقات خفيفة على الباب ..
معقول ؟؟ .. الساعة اتنين بالليل .. مين اللي هييجي دلوقت ؟؟
تقف ورا الباب – مين ؟؟
الزائر – أنا الدكتور
بدهشة شديدة .. ولهفة أشد تفتح الباب – دكتور ؟؟ .. إزاي ؟؟
الدكتور – فين المريض ؟؟
الزوجة تشير على محمد وهي في ذهول .. ومش مصدقة اللي بتشوفه قدام عينيها
يدخل الدكتور .. يكشف على محمد .. ينتهي الكشف
الدكتور – اطمني خالص حضرتك .. هيبقى كويس جدا ان شاء الله .. حضرتك تديله الدوا ده ..والحقن دي .. وعلى الصبح ان شاء الله هيبقى كويس جدا
الزوجة .. في حيرة شديدة .. ومش قادرة ترد
الدكتور – خير ؟؟ .. فيه حاجة ؟؟
الزوجة – أصل والده قابضين عليه في الانتخابات .. ومش سايب لنا فلوس .. ومش هاعرف اجيب الدوا
الدكتور – ايه ؟؟ .. والده قبضوا عليه ؟؟ .. طيب استنيني حضرتك .. أنا هاجيب الدوا وارجع حالا
الزوجة – بس كده كتير على حضرتك يا دكتور .. مش معقول
الدكتور ينزل بسرعة .. يغيب شوية ويرجع معاه الدوا .. والحقن .. يدي محمد الحقنة .. ويستعد للانصراف
الأم (تتمتم بكلمات الشكر) – جزاك الله كل خير يا دكتور .. بس ممكن أسأل حضرتك سؤال واحد بس ؟؟
الدكتور – اتفضلي
الأم – هو مين اللي بعت حضرتك هنا .. عرفت منين ان ابني عيان ؟؟
الدكتور – انتم اللي طلبتوني .. هي مش دي شقة خمسة ؟؟
الأم – لأ .. دي شقة ستة


ذهلت الأم .. أجهشت بالبكاء من الموقف
انصرف الدكتور .. وسجدت الأم شكرا لله على انقاذ ابنها
ياربي لك الحمد .. لك الحمد .. لك الحمد ..


__________________

أبو جهل – معقول ده اللي حصل لك ؟؟ .. والدكتور ما رضيش ياخد فلوس ؟؟
عمرو – آه والله ده اللي حصل .. وانا من يومها نسيت اني مسجون .. وحاسس اني مع ربنا طول الوقت .. ومش حامل هم الأولاد أبدا
أبوجهل ( يكتم غيظه وألمه الشديد) – معلش اسمحلي انام شوية ..عن إذنك
[img:6c1a]http://forums.way2allah.com/images/smilies/36_1_50[1].gif[/img:6c1a]

في الوقت ده ابليس عمل اتصالاته
إبليس يتكلم في التليفون – أيوه محبوس دلوقت .. بس خلي بالك معاهوش بطاقة ولا أي إثبات شخصية .. خليهم ينادوا عليه ويطلعوه من غير كلام كتير .. مش هيعرف يتفاهم معاهم
- ماشي يا إبليس بيه
تليفون يوصل للقسم – آلو .. عندكم مسجون اسمه عمرو هشام
- أيوه
- المسجون ده تطلعوه حالا .. من غير ما تسألوه عن أوراقه ولا بطاقته
- كده ؟؟ .. من غير أي إثبات شخصية
- زي ما باقولك كده .. تطلعوه حالا
العسكري يوصل للحجز .. ينادي على اللي جوه
- عمرو هشام .. انت يا عمرو
عمرو – أيوه انا
العسكري – اتفضل بره من غير مطرود
عمرو – ايه .. بره ؟؟ مين ؟؟ أنا ؟؟
العسكري – بره يا بني ما تجيبليش التهزيئ .. مع السلامة من غير مطرود
ياخد عمرو من إيده لحد باب القسم من بره - مع السلامة
يخرج عمرو .. يتنسم عبير الحرية بعد شهر من الحبس تحت الأرض مع المجرمين والقتلة




يااااااااااااه



__________________
تمت بفضل الله
سبحانك اللهم وبحمدك نشهد ألا اله إلا أنت نستغفرك ونتوب اليك
الرجوع الى أعلى الصفحة اذهب الى الأسفل
مريم
عضو شرف
عضو شرف
avatar

انثى
عدد الرسائل : 7104
تاريخ التسجيل : 14/12/2008
العمر : 33
العمل : محاسبة
رقم العضويه : 42
مزاجي :
اعلام الدول :
كيف تعرفت علينا : صديق
احترام قوانين المنتدي :

مُساهمةموضوع: رد: عاجل ((يوميات ابليس بيه وابو جهل))   الأحد أغسطس 30, 2009 2:17 am

شكرا ميدو

و الله كانت يوميات رائعة و جميلة و انا حبيتها اوي

تسلم الايادي و يسلم مجهودك الطيب

بارك الله فيك

::z::
الرجوع الى أعلى الصفحة اذهب الى الأسفل
نورا
مشرفه
مشرفه
avatar

انثى
عدد الرسائل : 279
تاريخ التسجيل : 04/07/2009
العمر : 27
العمل : طالبة
رقم العضويه : 189
مزاجي :
اعلام الدول :
كيف تعرفت علينا : جوجل
احترام قوانين المنتدي :

مُساهمةموضوع: رد: عاجل ((يوميات ابليس بيه وابو جهل))   الأحد أغسطس 30, 2009 10:32 pm

شكرا على موضوعك


ننتظر الجديد دائما



::z::
الرجوع الى أعلى الصفحة اذهب الى الأسفل
 
عاجل ((يوميات ابليس بيه وابو جهل))
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
منتديات همسة بحر :: القسم الاسلامي :: مواضيع اسلاميه عامه-
انتقل الى: